හිතයි හිනහෙන්න මට නුඹ ලඟ ලඟම.......

සිතක ගිම් නිවූ ඔබෙ සෙනෙහස,
මහමෙරක් මැයි වියලුනු කතරට
දිය පහස සොයා ආ මේ මඟ
නතර වුනා ඔබෙ නෙතු පියන් යට...

මිරිඟු සයුරක නොදුටු දිය බිඳක
සොයා දිය බිඳක් වියලුනු සිතක,
නොවූ නුඹ වියලුනු රලු සයුරක,
ගිම් නිවූ නුඹමයි මේ දිය දහර

ගෙවන්න මේ දිවිය නුඹෙ සුසුම් යට
හිතයි හිනහෙන්න මට නුඹ ලඟ ලඟම
දෑඟිලි බැඳන් අවසරයි හැමදාම
විඳ ගන්න මේ උනුසුම සුසුම් මට......

මාලතී අහිමි පුන්චි සමනළිය මම.....

බඹරුන් ගෙන ගියා මල් උයන
නොතියාම එක මලක්වත් මට
මාලතී අහිමි පුන්චි සමනළිය මම
ඉකි ගසා බොඳ කලා මල් උයන.....

තලා පෙලා කුමරියන් විගස
රොන් අරන් ගියා උන් හනික
කඳුලු ගෙන නෙත් අගින් සැනින
මල් කුමරියන් හඬුවා බොහොම.....

පුන්චි මල් කුමරියේ තාම
නුඹ ලඟයි මම හැමදාම
යන්න එපා අතැර ආයෙත් දිනෙක
මේ සෙනෙහස නිමියි නුඹ නැති දාක........