නුඹ, සොඳුරූ........

රිදෙන හද සුවපත් කෙරුමට
නොවෙයි කිසි තැනක ඔසු,
ලද නොනිමි කඳුලු මැද
හැඬූ සිත් අග
එකම ඔසුවයි මා ලද,
නුඹ,
සොඳුරූ........

කුමරුනි නුඹ

බලාපොරොත්තුව
නෙතු අද්දර
කුමරුනි නුඹ
එතැයි කියා...........

හීනෙක දවටා
දෑස වසා ගෙන
පැතුමන් පුරවා
නුඹ එතැයි කියා..........

බලා හිඳිමි
සුවඳක දැවටී
කුමරුනි නුඹ
එතැයි කියා........

මද නලක අමුනා
ගීතයක වෙලා
කුමරුනි නුඹ
එතැයි කියා…….

අම්මා...

නුඹ,
මට බැඳි සෙනෙහස පුබ්බකයන්,
ලද ධනය මෙනි.....
දහස් ගව් දුර ගෙවූ සඳ….
නොවූ කල වෙහෙසක්,
මග කතර නොදැන
ගිය මග නොවූ කල වෙනසක්.....
තනියට ලඟ උන් සෙනෙහස
වියෝ වූ සඳ,
ඉකිලන නෙත් අග
අකුරු අමුනන ආදරනීය කව් පදය
අම්මා...

නුඹ නැති දා කවිකම් මට බෝ දුර.....

හඬන නෙතු අසල ඉඳ
කවි කරපන් නුඹ මගේ සිත
සහසක් පැතුම් මිලිනව
හැකිද ඉන්නට නොවූ විලසට

පෙර දිනක නුඹ මගේ දෑත ගෙන
සක්මන් කල ඒ මග තොට අඳින
පෙරුමන් පිරූ කඳුලක් විකසිතව
නෙත් අගින් ගිලිහුනා අසරනව

අත්වාරු ඇත පෙර විලසම
සිත් වාරු නැත අහිමි වූ කල නුඹ
සහසක් කවිකම් කල මගේ සිත
නුඹ නැති දා කවිකම් මට බෝ දුර.....

කඳුලු බිඳු......

ආදරයෙන් එකතු කළ
මතකයන්,
නුඹ...
අමතක කරන සඳ…….
ඉන්නෙ කෙළෙසද
නොසෙලා කඳුලු බිඳු,
මහවැලිය තරම් දිගු.....

නුඹ දන්නවනම්,

නුඹ දන්නවනම්,
නුඹ මගේ සිත රිදවන තරම්......
නුඹේ තෙපුල් මා නෙතට,
කඳුළු ගෙනෙන තරම්....
ඒත්,
නුඹ ඉඳීවි,
නොසැලී.......
ඇයි දන්නවද,
නුඹට මා,
ආදරය කරන තරම්
නුඹ දන්නා නිසාවෙන්…….

අවසරයි......

සරණ මංගල්ය අදයි නුඹ
හා බැඳෙන
යදම් බිඳ දමා,
නිදහසේ සැරි සරන...
බැඳි
පෙම් මල් පුබුදින
අවසරයි නික්මී යන්න
ජීවිතේ වස්සානයට ඉතින්...

පැණයක්

මේ සොඳුරු නුවර වැව ලඟ,
එන ඔබේ සුවඳට ළන්ව...
වැව් රැලි නගන සත්සරයට
ගයන ගී පද රස විඳ
මතකද,
අපි,
ආදර ගීතයට නැවුම් කවි පද......

පුබුදු වසන්තයේ දොරකඩ
වැව් දිය හසරැලි නගන සඳ..
වැව් ඉහත්තාවෙ නුඹ ලඟ
අපෙ අදරයේ ඉමිහිරි සුවඳ
වින්දා මතකද ලොවට හොරෙන්,
මොහොතක.......

හිරු මිලින වී එන සඳ,
වෙනදාටත් වඩා සුන්දරද නුඹ,
කියන් මේ පොපියන නෙතු වලට,
මෙ ආදරයත් යම් දවසක...
අහිමි වේද පිය සබඳ.......

රොබරෝසියා

රොබරෝසියා මලේ නුඹ පෙර සේමයි
වසන්තය විත් අහවරයි
ගිම්හානය දොරින් එබිකම් කරයි
එබැව් මා තනි වී ඇති වගයි..

කාලය පුබුදා නුඹ ගෙනා අරුමයයි
නිදා නොනිදා උන් මට හීනය දුර ඈතයි
සත්මහලම මා පාමුල නුඹ ගගනයි
හැකිද ඉන්නට නොවූ වග මේ බවයි

පුදුමයි හරිම පුදුමයි නුඹ තාම හීනයයි
එකලු කරන්නට ජීවිතය නුඹ රසඳුනයි
දනිමි මම නුඹ අඩන කඳුලු මලයි
දෙන්න අවසර යන්න නුඹගෙන් දුර ඈතයි

හිමි අහිමි ඇරඹුම

කාලයක් තිස්සේ මං පෙරුම් පිරුවා මගේම කියලා බ්ලොග් එකක් පටන් ගන්න.

ඔන්න යන්තම් අද ඒක ඉෂ්ඨ වුනා.

අද ඉඳලා මගේ නිර්මාන ඔබ සමග බෙදා ගන්නයි මගේ අරමුණ.

මගේ බ්ලොග් එකට පැමිණි ඔබ සැමට මගේ ස්තුතිය.